പതിനാറാം നൂറ്റാണ്ടിൽ വെനീസിൽ ജീവിച്ചിരുന്ന അന്റോണിയോ എന്ന വ്യാപാരിയുടെ കഥയാണ് 'വെനീസിലെ വ്യാപാരി'. അന്റോണിയോ തന്റെ ഉറ്റ സുഹൃത്തിന്റെ പ്രണസാഫല്യത്തിന് വേണ്ടി ജൂതനായ പലിശക്കാരൻ ശ്യ്ലോക്കിൽ നിന്നും പണം കടം വാങ്ങുന്നു. ജൂതനനെന്നത് കൊണ്ട് തന്നെ അന്റൊനിയോക്ക് ശ്യ്ലോക്കിനെ ഇഷ്ടമായിരുന്നില്ല. എങ്കിലും വേറെ നിവര്തിയില്ലതതുകൊണ്ട് അന്റോണിയോ അതിനു തയ്യാറാകുന്നു. പണം തിരിച്ചു നല്കാൻ സാധിച്ചില്ലെങ്കിൽ തന്റെ ശരീരത്തിൽ നിന്നും ഒരു തൂക്കം മാംസം നല്കാമെന്ന വ്യവസ്ഥയും അംഗീകരിക്കുന്നു. നിർഭാഗ്യവശാൽ അന്റൊനിഒക്കു പണം തിരിച്ചു നല്കാൻ കഴിയാതെ വരുന്നു. ഇതിനു പകരമായി അന്റോണിയോയ്ക്ക് ശരീരത്തിൽ ഒരു തൂക്കം മാംസം ശ്യ്ലോക്കിനു നല്കേണ്ട സ്ഥിതി വരുന്നു.
ഈ അവസരത്തിൽ ഒരു വക്കീലിന്റെ പ്രച്ഛന്നവേഷത്തിൽ സുഹൃത്തിന്റെ പ്രണയിനിയായ പോർട്ടിയ അന്റോണിയോയെ രക്ഷിക്കാൻ എത്തുന്നു. വാങ്ങിയ പണത്തിന് പകരം മാംസം ആവശ്യപ്പെട്ട പലിശക്കാരനായ ഷയ് ലോക്ക് ഒടുവിൽ പരാജിതനായി മടങ്ങുന്നിടത്താണ് നാടകം പര്യവസാനിക്കുന്നത്.
ഷേക്ക്‌സ്പിയർ ലോകത്തിലെ തന്നെ എക്കാലത്തെയും മികച്ച നാടകകൃത്തായാണ്‌ കണക്കാക്കുന്നത്. 38ഓളം നാടകങ്ങൾ അദ്ദേഹം രചിച്ചിട്ടുണ്ട് .അദ്ദേഹത്തിന്റെ ആദ്യകാല നാടകങ്ങൾ ഹാസ്യസ്വഭാവമുള്ളതും ചരിത്രസ്വഭാവമുള്ളതുമായിരുന്നു. എന്നാൽ പിൽക്കാലത്ത്‌ എഴുതിയവയെല്ലാം ദുരന്തനാടകങ്ങളായിരുന്നു. ഹാംലെറ്റ് ,ഒഥെല്ലോ.കിംഗ്‌ ലിയർ ,മാക്ബെത്ത് എന്നിവയൊക്കെ അദ്ധേഹത്തിന്റെ പ്രശസ്ത ദുരന്തനാടകങ്ങളാണ്.
No comments:
Post a Comment