കടൽചൊറി അതാ 'ജെല്ലിഫിഷ് ' എന്ന ജലജീവിക്ക് ശരീരത്തിൽ ബൾബ്‌ പോലെ പ്രകാശിക്കുന്ന കോശങ്ങളാണുള്ളത്. ഇങ്ങനെ ബൾബ്‌ പോലെ തിളങ്ങുന്ന സ്വഭാവം നല്കുന്നത് അവയുടെ പ്രത്യേകതരം ജീനുകളാണ്. ഈ പ്രത്യേക സ്വഭാവമുള്ള ജീനുകളെ ഒരു കുരങ്ങിന്റെ ക്രോമോസോമിലേക്ക് നിവേശിപ്പിച്ചാണ് ആന്റിയെ ശാസ്ത്രജ്ഞർ സൃഷ്ടിച്ചത്. അത് കൊണ്ട് തന്നെ ബൾബ്‌ പോലെ തിളങ്ങുന്ന കോശങ്ങളുമായാണ് ആന്റി ജനിച്ചത്‌.
തിളങ്ങുന്ന സ്വഭാവമുള്ള കോശങ്ങൾ മൈക്രോസ്കോപ്പിൽ പഠനവിധേയമാക്കുമ്പോൾ അവയുടെ ഉള്ളിലുള്ള മാറ്റങ്ങളെ വളരെ വ്യക്തതയോടെ കാണാൻ സാധിക്കുന്നു. അത് കൊണ്ട് തന്നെ ആന്റിയുടെ ജനനം കാൻസർ, മറവിരോഗം, എയിഡ്സ്, ഡയബെറ്റിസ് തുടങ്ങിയ രോഗങ്ങളെ കുറിച്ചുള്ള പഠനങ്ങളിൽ കൂടുതൽ സഹായകമാവുമെന്ന് ശാസ്ത്രജ്ഞർ കരുതുന്നു.
2000ത്തിലെ ഒക്ടോബർ മാസം രണ്ടാം തിയതി അമേരിക്കയിലെ ഒറിഗോണ്‍ റീജണൽ പ്രൈമേറ്റ് റിസർച്ച് സെന്ററിലാണ് ആന്റി ജനിച്ചത്‌.
