മോണാലിസ യഥാർത്ഥത്തിൽ ആരുടെ ചിത്രമാണ്

ലിയനാർഡോ ഡാവിഞ്ചിയുടെ ലോകപ്രശസ്ത ചിത്രമായ മോണലിസയെപ്പറ്റി നിങ്ങൾ കേട്ടിട്ടില്ലേ. മോണാലിസ ലോകത്തിലെ തന്നെ ഏറ്റവും പ്രസിദ്ധമായതും, സന്ദർശിക്കപ്പെട്ടതും, എഴുതപ്പെട്ടതും, പാടപ്പെട്ടതും, പകർത്തപ്പെട്ടതുമായ കലാസൃഷ്ടിയായി വിലയിരുത്തപ്പെടുന്നു.

ഇത് യഥാർത്ഥത്തിൽ ലിസ ജിയോകോണ്ട എന്ന സ്ത്രീയുടെ എണ്ണഛായാചിത്രമാണ്.
                                 ഫ്ലോറെൻസിലെ ധനികനും, സിൽക്ക് വ്യാപാരിയുമായിരുന്ന ഫ്രാൻസിസ്കോ ഡെൽ ജിയോകോണ്ടയുടെ പത്നിയായിരുന്നു ലിസ ജിയോകോണ്ട. പതിനാറാം നൂറ്റാണ്ടിലാണ് ഈ ചിത്രം വരയ്ക്കപ്പെട്ടതെന്ന് കരുതപ്പെടുന്നു.